DVD File Structure

VCD ခွေကို ကွန်ပျူတာနဲ့ ဖွင့်တတ်ခါစက VCD ခွေထဲမှာပါတဲ့ MPEGAV ဆိုတဲ့ Folder ထဲက DAT ဖိုင်တွေကို ဖွင့်ခဲ့တာကို မှတ်မိပါသေးတယ်။ အဲဒီတုန်းကတော့ MPEGAV ဆိုတာ MPEG ဖိုင်တွေကို စုထားတာကို ဆိုလိုမှန်း DAT ဟာ MPEG-1 Format ဖြစ်ပြီး VCD စက်တွေ နားလည်တဲ့ တစ်ခုတည်းသော File Format စတာတွေကို မသိသေးပါ။

အခု နောက်ပိုင်း DVD ခွေ ခေတ်စားလာတယ်။ ပေါ်ကာစတုန်းက DVD Drive ဖိုး မတတ်နိုင်လို့ အနားတောင်မသီနိုင်ပါ။ အခုတော့ ဈေးတွေကလည်းကျ ငါးသောင်းလောက်နဲ့ DVD Writer ပါ ရတာဆိုတော့ နောက်ပိုင်းဆင်တဲ့ ကွန်ပျူတာတော်တော်များများ DVD Drive တွေနဲ့ချည်း ဖြစ်ကုန်ပါပြီ။ Software တွေ OS တွေ Learning ခွေတွေကလည်း DVD နဲ့ချည်းပဲ လာတော့တာဆိုတော့ DVD Drive လေးမှ တပ်မထားရင် ကွန်ပျူတာရာမ၀င်တော့ဘူးပေါ့ (လူရာမ၀င်တာမဟုတ်ပါ)

DVD ကလည်း သုံးလုံးထဲသာ ရှိတာ။ အရှုပ်သားပဲ။ DVD5 တွေရော DVD9 တွေရော Double Layer, Single Layer, DoubleSide Double Layer စတာတွေနဲ့ အများကြီးပဲ။ ဒါပေမဲ့ ဈေးကွက်ထဲမှာတော့ Blank DVD ၀ယ်ရင် 4.7 GB ဆန့်တဲ့ DVD5 ကိုပဲ ၀ယ်လို့လွယ်ပါတယ်။ 8GB ကျော်ဆန့်တဲ့ DVD9 ကိုတော့ နည်းနည်း အ၀ယ်ရခက်ပါတယ်။ (ရန်ကုန်မှာတော့ လွယ်လောက်ပါတယ်) ဒါပေမဲ့ အားလုံးက Single Layer တွေ ချည်းပါပဲ။

Double Layer ကတော့ မြင်တောင် မမြင်ဘူးပါ။ တလောကတော့ Video Camera လေးတစ်လုံး ခဏကိုင်ရလို့ Single Layer-Double Side DVD RW လေး တစ်ချပ်ကို မြင်ဖူးလိုက်ပါတယ်။ Customer က နောက်တစ်ချပ်ဝယ်ချင်တယ်ဆိုလို့ မန္တလေး Sony ကို သွားဝယ်ပေးရတယ်။ အရောင်းစာရေးက +RW ယူမှာလား -RW ယူမှာလားလို့ မေးပါတယ်။ +RW နဲ့ -RW အကြောင်းကို ဖတ်ဖူးပေမဲ့ ခေါင်းထဲမရောက်တာကြောင့် အဲဒီ + နဲ့ - ဘယ်လိုကွာလဲဆိုတာ မသိတော့ဘူး။ ဒါပေမဲ့ + က ပိုကောင်းမယ်ထင်တာနဲ့ + ပဲ ပေးပါလို့ ခပ်တည်တည်နဲ့ ဖြီးရပါတယ်။ အဲဒီလိုပြောမှ DVD +RW က ကုန်နေတယ် -RW ယူမှာလားဆိုတာနဲ့ ထူးပါဘူးလေဆိုပြီး ယူခဲ့ပါတယ်။ စိတ်ထဲမတော့ ဘာမှကွာလောက်ပါဘူးလေဆိုပြီး ထင်နေခဲ့ပါတယ်။

ကင်မရာထဲ ထည့်တော့မှ -RW က ရိုက်ပြီးသွားရင် Finalize လုပ်ပေးရမှန်း သိတော့တာ။ မဟုတ်ရင် DVD စက်မှာ ဖွင့်လို့ မရဘူး။ + နဲ့ - လေး ကွာသွားတာနဲ့ အချိန်ပေးရတာချင်း ကွာသွားတာလေ။

လေကြောရှည်နေတာနဲ့ ပို့စ်ခေါင်းစဉ်အကြောင်းကို မရောက်နိုင်တော့ဘူး။ DVD ဇာတ်ကားခွေတွေရဲ့ File Structure ကို စိတ်ဝင်စားလို့ အင်တာနက်မှာရှာရင်းကနေ တွေ့တာလေးတွေနဲ့ ကိုယ်တွေ့လေးရယ်ကို ပေါင်းပြီး ပြန်လည် ဖော်သည်ချလိုက်ခြင်း ဖြစ်ပါတယ်။

အဲဒီ DVD ဇာတ်ကားခွေထဲမှာ AUDIO_TS နဲ့ VIDEO_TS ဆိုတဲ့ Folder နှစ်ခု ပါပါတယ်။ ဗွီဒီယိုဖိုင်တွေဟာ VIDEO_TS ဆိုတဲ့ Folder ထဲမှာ .VOB ဖိုင်အမျိုးအစားနဲ့ ထည့်ထားပါတယ်။ အဲဒီ VOB (Video OBject) က တကယ့် ဗွီဒီယိုဖိုင်တွေပါပဲ။ DVD Player က အဲဒီ VOB ဖိုင်တွေကို ဖတ်ပြီး Output ပြန်ထုတ်ပေးတာပါ။ ဒါပေမဲ့ အဲဒီ VIDEO_TS Folder ထဲမှာ တခြားဖိုင်တွေ ပါပါသေးတယ်။ အဲဒါတွေကတော့ VIDEO_TS.IFO - VIDEO Title Set InFOrmation Set ပါ။ အဲဒီထဲမှာ Region Code တွေ ပါပါတယ်။ နိုင်ငံခြားက ခွေတွေ ဒီကစက်တွေနဲ့ ဖွင့်မရတာက အဲဒီဖိုင်မှာ ပါတဲ့ Region Code နဲ့ Player ရဲ့ Region Code မတူလို့ပါ။

VIDEO_TS.VOB - အဲဒီဖိုင်ကတော့ Bookmark နဲ့တူပါတယ်။ DVD စက်ကို ခွေကို စဖတ်ဖတ်ချင်း သူ့ကို အရင်ဖတ်ပါ လို့ ပြောထားပါတယ်။

VIDEO_TS.BUP - VIDEO_TS.IFO ဖိုင်ရဲ့ Backup ပါ။

VTS_01_0.IFO - IFO ဖိုင်တွေဟာ VOB ဖိုင်တွေအတွက် အရေးကြီးပါတယ်။ အဲဒီဖိုင်တွေထဲမှာ VOB ဖိုင်တွေကို DVD စက်က Play လုပ်တဲ့အခါ ဘယ် Subtitle, Language, Menus, Aspect Ration သုံးပြီး Play လုပ်ရမယ်ဆိုတဲ့ ညွှန်ကြားချက်တွေပါပါတယ်။ IFO တွေမပါဘဲ VOB ဖိုင်တွေကို တခြား File Format သို့
မပြောင်းလဲနိုင်ပါ။ (အဲဒါကတော့ လက်တွေ့ပါ)

VTS_01_0.VOB - သူကတော့ ပထမဆုံး စ Play လုပ်ရတဲ့ VOB ဖိုင်ပါ။ DVD ဇာတ်ကားခွေထည့်လိုက်လို့ Menu လေးပွင့်လာတာဟာ သူ့ကြောင့်ပါ။ Chapter ရွေးလို့ရအောင် Language ရွေးလို့ရအောင် သူက လုပ်ပေးတာပါ။

VTS_01_0.BUP - VTS01_1.IFO ရဲ့ Backup ဖိုင်ပါ။

VTS_01_1.VOB - သူကတော့ ဇာတ်ကားခွေရဲ့ တကယ့် Main ဖိုင်ပေါ့။ အများအားဖြင့် အဲဒီဖိုင်ကို သုံးဖိုင် သို့မဟုတ် လေးဖိုင်အထိ အစဉ်လိုက် အပိုင်းခွဲထားပါတယ်။ ဒါမျိုးပါ
VTS_01_1.VOB
VTS_01_2.VOB
VTS_01_3.VOB အဲသလိုမျိုးပါ။ ဒါပေမဲ့ ဘယ်ဖိုင်မှ 1GB ထက် ကျော်ခွင့်မရှိပါဘူး။ အဲဒီ VOB ဖိုင်တွေကို နာမည်ပေးပုံကလည်း Standard ရှိပါတယ်။
ဥပမာ VTS_01_1.VOB ဆိုပါတော့။
ဒါမျိုးမှတ်လိုက်ပါ VTS_xx_yy.VOB
xx က Title နံပါတ်ကို ပြောတာဖြစ်ပြီး yy က Section နံပါတ်ကို ပြောတာဖြစ်ပါတယ်။ ရှစ်ကားတွဲပါတဲ့ ခွေတွေဆိုရင် VTS_01_01.VOB ဟာ ပထမဆုံးကားရဲ့ Chapter 1 ကို ဆိုလိုတာပါ။

အပေါ်က ရေးခဲ့သမျှကို အတိုချုပ်မှတ်ချင်ရင်တော့ VOB ဟာ Video/Audio Data ဖိုင်တွေ ဖြစ်ပါတယ်။ IFO တွေဟာ Navigation လုပ်နိုင်ဖို့ ဖြစ်ပြီး BUP တွေကတော့ IFO တွေရဲ့ Backup တွေ ဖြစ်ပါတယ်။

တချို့ခွေတွေမှာ trailer တွေ Behind the Sence တွေအတွက် အပိုဖိုင်တွေ ပါပါသေးတယ်။ သေချာတာကတော့ Title တစ်ခု (ဇာတ်ကားတစ်ကား) အတွက် VOB ဖိုင် နှစ်ဖိုင်လိုပါတယ်။ တစ်ဖိုင်က Menu အတွက် ဖြစ်ပြီး တစ်ဖိုင်က အဲဒီဇာတ်ကားကြီးပါ။ ပြီးရင် IFO ဖိုင်တစ်ဖိုင်နဲ့ BUP ဖိုင်ကလည်း သေချာပေါက် လိုပါတယ်။

ရေးထားတာက အနည်းငယ်ရှုပ်ထွေးနေပါက DVD ဇာတ်ကားခွေလေး တစ်ခွေလောက်ကို Explorer ကနေ ဖွင့်လိုက်၊ စာလေးဖတ်လိုက် လုပ်ကြည့်လိုက်ပါ။

လိုအပ်တာတွေ ရှိနေသေးပါကလည်း Comment ပေးခဲ့ဖို့ ဖိတ်ခေါ်ပါတယ်။

Ref : http://itmen.blogspot.com/2008/12/dvd-file-structure.html